Gleðileg jól

Jólin eru með skrýtnasta móti hjá okkur þetta árið. Þorláksmessu var eytt í blíðskaparveðri á NFL leik þar sem við sáum San Francisco 49ers vinna Tampa Bay Bucks. Í dag ætlum við svo að vera í Berkeley fram að miðjum degi en þá förum við á Hnotubrjótinn hjá San Francisco balletnum. Seinna í kvöld snæðum við jólamatinn svo á fínum veitingastað í Fisherman´s Wharf. 

Mamma, pabbi, Dagný og Auður mættu á svæðið síðastliðinn föstudag og mikið hrikalega var gaman að sjá þau. Við erum búin að vera dugleg að sýna þeim borgina og þau eru líka búin að kíkja svolítið í búðir (sumir meira en aðrir þó).

Á annan í jólum leggjum við í hann í ferðalagið mikla um Kaliforníu og hittum Örnu skvísu í Las Vegas. Ég hlakka mikið til að hitta hana.

Annars óskum við ykkur öllum hamingju og gleði yfir hátíðarnar. Hafið það sem allra best, lömbin mín. Edda. 

Athugasemdir

[Fjóla (IP-tala skráð) 27.12.2007 kl. 10:58]

Gleðilega hátíð ... góða skemmtun í ferðinni miklu :).

Jólakveðja, Fjóla