Viva Las Vegas

Við Edda munum skella okkur til Vegas á morgun og verðum þar fram á sunnudagskvöld. Óhætt að segja að mikil tilhlökkun er farin að gera vart við sig þar sem ég bjóst svosem alveg eins við því að fara aldrei þangað á minni lífsleið. Ferðin hefur verið skipulögð að einhverju leiti, verðum með bíl fyrsta daginn, förum á Cirque du Soleil's Mystére á laugardeginum og ætlum einnig að reyna að kíkja á einhverja sýningu á fimmtudeginum. Síðan er snillingurinn Kevin James víst með uppistand á föstudeginum og aldrei að vita nema maður skelli sér á það.

 

 

Eins og flestir átta sig á eru fjárhættuspil órjúfanlegur hluti af Vegas-upplifun (allavega fyrir áhættufíkil eins og mig) og verður það því fróðlegt að sjá hversu mikilli velgengni við Edda munum fagna við pókerborðið og spilakassana.  Þið getið því fylgst spennt með nýju bloggi í næstu viku þar sem Edda mun gera ferðinni góð skil eins og henni er einni lagið.

Lindi

Athugasemdir

[Maggi (IP-tala skráð) 15.11.2007 kl. 11:30]

Sælir,

Mæli eindregið með steikhúsi sem heitir "Luxor Stakehouse" og er á luxor hótelinu. Besta steikhús sem ég hef kynnst. Ef þið eruð svo heppin að fá hann Joe sem þjón þá endilega skilið kveðju á hann. Þar er á ferð algjör snillingur!