Cravings ...

Við fórum á Töfraflautuna í gær og skemmtum okkur konunglega. Uppsetningin var tær snilld og margfalt betri en sú sem ég sá í íslensku óperunni árið 2001. Kaninn átti á tíðum erfitt með sig og hópur áhorfenda greip ótt og títt fram í fyrir söngvum með klappi og hrópum. Það var frekar böggandi en heilt yfir erum við mjög sátt og erum strax farin að huga að því hvaða ópera verður næst fyrir valinu. 

Nú eru rétt um tveir mánuðir síðan við yfirgáfum Klakann og héldum á vit ævintýranna (og náms) í Berkeley. Söknuður eftir undarlegustu hlutum er því farinn að gera vart við sig. Ég sakna þess m.a. að geta ekki keypt mér malt úti í búð (sem er ansi furðulegt því ég drekk yfirleitt aldrei malt á Íslandi). Ég væri líka mikið til í Selfossflatkökur, Lindi gæfi mikið fyrir eina kókómjólk og bæði gætum við auðveldlega torgað einni pabba pizzu . Mest af öllu söknum við þó íslenska fisksins og hitaveitu.

Edda

Athugasemdir

[Maggi (IP-tala skráð) 2.11.2007 kl. 16:29]

Það er aldeilis hámenningin á námsmanna heimilinu. ;) Hugsa að ég myndi aldrei meika óperu en það kann að vera að þessi yfirlýsing sé lituð af smá fordómum í garð óperunnar.

Þegar ég var í DK saknaði ég mest Egils Appelsíns og Skyr.is drykkjunum en daninn átti ekkert sem jafnaðist á við svoleiðis.

L8ter

M

[Lindi (IP-tala skráð) 2.11.2007 kl. 22:34]

Já, ég hafði mikla fordóma gagnvart óperunni og unnendum hennar þar til við fórum á Töfraflautuna. Sýningin var ótrúlega skemmtileg og leikmyndin, búningarnir og lýsingin ólýsanlega glæsileg (aldrei hafði mér dottið í hug að ég myndi einhvern tímann rita slíka yfirlýsingu).