Nýliðnir dagar

Rólyndishelgi er að baki. Planið var að fara út að borða á Asia de Cuba sem ku vera ansi hipp og kúl staður sem Philippe Starck hannaði. Það klikkaði samt en úr því verður bætt næsta föstudag kl. 19:30 þegar við eigum pantað borð þar. Í sárabætur skelltum við okkur á the Cheesecake factory á efstu hæð Macy´s við Union Square. Staðurinn kom skemmtilega á óvart. Við bjuggumst við að þar væri sveitt Hard Rock túristastemning en þannig var það aldeilis ekki. Maturinn var dúndurgóður (og ódýr) og ostakakan í eftirrétt var to-die-for. Ég get samt ekki neitað því að það hafi komið mér dálítið á óvart að það var búið að jólaskreyta allt í Macy´s. Það er október ennþá!

Í gær var það svo bíó, heillin. Gone baby gone varð fyrir valinu og úff hvað það er slæm mynd. Ég vara ykkur eindregið við því að fara á hana.

Halloween er á miðvikudaginn og þá förum við inn í San Francisco því við eigum miða í óperuna (listasnobbið er að koma upp í okkur). Ég var einmitt stödd í San Francisco á Halloween fyrir ári og það var ansi skrautlegt. Hommarnir töpuðu sér nokkrir hverjir algjörlega í búningavali. Ætli það verði ekki svipað núna.

Lindi útbjó vídjóklippu af Yosemite ferðalaginu stórskemmtilega. Njótið.

 

Edda

Athugasemdir

[Marit (IP-tala skráð) 30.10.2007 kl. 10:02]

Þið eruð svo miklar dúllur!! :) Þessi videoblogg ykkar eru snilld!! Mæli eindregið með því að  þið skellið ykkur í halloween-búninga og takið mynd okkur hérna til skemmtunar.

Knús í klessu,
Marit

[Ragnheiður (IP-tala skráð) 30.10.2007 kl. 12:04]

Elsku Edda og Lindi. Yndislegt að sjá ykkur og ferðalagið   haldið áfram að setja inn myndir af ykkur.  Við á klakanum fylgjumst spennt með. Og Lindi  lagið er æðislega vel valið og fallegur texti.    you.

mamma

[Dagný Ósk Aradóttir, 30.10.2007 kl. 22:39]

Já, hvaða lag er þetta?

[Lindi (IP-tala skráð) 30.10.2007 kl. 22:55]

Þetta er íslenska hljómsveitin Seabear (www.seabearia.com). Klárlega með hugljúfari lögum.

[Maggi (IP-tala skráð) 31.10.2007 kl. 13:33]

Sko, SeaBear lögin mín greinilega að leggjast vel í lesendur þessa bloggs - sem er bara gott - enda er ég orðinn sjálfskipaður kynningarfulltrúi bandsins og unu mér ekki hvíldar í því starfi.

Annað, Asia de Cuba er frábær staður. Ég ásamt fríðu föruneyti áttum þar kvöldstund í London (þ.e. London útibúinu) og urðu ekki fyrir vonbrigðum. 

 Kveðja,

M