Hið glæsilega jólaferðalag

Eftir tugi klukkustunda á Google, Tripadvisor, Expedia og fleiri síðum höfum við Edda loksins pantað hótel og bíl fyrir fjölskylduferðalagið mikla frá 26. desember - 2. janúar. Ákveðið hefur verið að á milli staða verður ekið á forlátum Lincoln Navigator, sem er óneitanlega svívirðilega glæsileg sjálfrennireið.

 

Hið glæsilega jólaferðalag verður eitthvað á þessa leið:

26.-28. des verðum við í Las Vegas og gistum í forkunnarveglegum svítum á Signature at MGM Grand hótelinu. 

28.-30. des verðum við í Hollywood og gistum á Hollywood Orchid Suites sem þykir einstaklega vel staðsett og sjarmerandi. 

30.-1. jan verðum við í sólbaði í San Diego og gistum á Sheraton La Jolla, sem er stórskemmtilegt hótel með glæsilegri sundlaug.

1. og 2. janúar keyrum við meðfram vesturströndinni aftur til San Francisco en við höfum ekki enn ákveðið hvar við gistum á leiðinni. Eitt er þó víst að sá áningarstaður verður sérlega hressandi.

 

 

Annars er allt hressandi að frétta. Við Edda erum að fara í óperuna í næstu viku á Töfraflautuna og síðan höfum við pantað miða á balletsýningu á aðfangadag. Það er því ekki hægt að segja að við hjónin styðjum ekki bandaríska listamenn.

Lindi 

Athugasemdir

[Jana Pind (IP-tala skráð) 24.10.2007 kl. 15:12]

Ekki má heldur gleyma öllum millilandasímtölum og tölvupóstum meðan á skipulagningu hefur staðið! Þetta er í alla staði afar glæsilegt ferðaplan og við erum strax farin að hlakka til. Vonandi fæ ég að sjá Lincolninn við tækifæri. Það er einhver böggur á myndinni í dag.

Svo er auðvitað spurning hvort Auður sættir sig við að fá ekki Ris a la'mande á aðfangadagskvöld. Það er hins vegar búið að lofa henni því að það verði útbúið einhver tíma á aðventunni fyrir jólaferðalagið mikla.

Kærar kveðjur í bili, þetta er í alla staði meiriháttar plan hjá ykkur.

Jana 

[Maggi (IP-tala skráð) 24.10.2007 kl. 16:48]

Massívt! Það er greinilega gott að vera námsmaður í US&A ;)

[Edda (IP-tala skráð) 24.10.2007 kl. 17:23]

Kannski er komið að þeim merku tímamótum í lífi mínu að ég ráðist í það vandasama verk að útbúa Ris a la'mande fyrir jólin. Ég get ekki flúið örlögin mikið lengur. Ef mér mistekst megið þið samt ekki stríða mér jafnmikið og þegar ég brenndi grjónagrautinn hérna um árið...

Og já, það er gott að vear námsmaður í USA - a.m.k. á meðan dollarinn er í kringum 60.

[Arna Huld (IP-tala skráð) 24.10.2007 kl. 23:36]

Hlakka svo öfga mikið til... þetta verður besta jólafríi sem hægt er að hugsa sér...

Arna Huld

[Auður (IP-tala skráð) 25.10.2007 kl. 01:01]

Líst vel á þetta hjá ykkur :)

[Finnbogi (IP-tala skráð) 26.10.2007 kl. 09:28]

Þetta plan lítur vel út.

Er Kristinn Sigmunds nokkuð að syngja Sarastró í San Francisco þessa dagana?

[Edda (IP-tala skráð) 26.10.2007 kl. 16:07]

Nei, Kristinn syngur ekki Sarastró í þetta skiptið. Hann var samt hérna í maí í Don Giovanni.