Ameríka er engri lík

Ég hringdi í Avis til að panta bíl yfir helgina þar sem við Edda ætlum að taka stóran hring um norðurhluta Kaliforníu næstu þrjá daga. Eftir að ég var búinn að panta var mér sagt að ég væri "eligable for a free three day hotel accommodation". Korteri seinna hafði ég fengið gistingu á hóteli frítt í tvo daga, helling af allskonar "couponum" fyrir hótelum, bílaleigum, bensíni, morgunmat og ég veit ekki hvað og hvað FRÍTT! Ví, voða gaman. Hængurinn er hins vegar sá að við Edda erum búin að lofa okkur í 120 mínútna "one-on-one timeshare pitch". Það verður meira en lítið fróðlegt. (Buy this house! NOOOO!!!!) Lofum allavega að láta vita ef við verðum óvart "homeowners" eftir þá ferð.

Við höfum ekki enn vanist ýmsum siðum hérna í Bandaríkjunum. Ef maður gengur t.a.m. fram hjá starfsfólki í verslunum segja allir "Hi, how are you doing today sir/mam". Þessi kveðja er nokkuð lengri en hin íslenska kveðja "daginn" og yfirleitt er maður löngu kominn framhjá starfsmanninum þegar hann hefur lokið sér af. Hvað á maður eiginlega að gera? Snúa sér við og segja "Im doing good, and how about you?". Hef ekki tíma í það.

Mikið er um að ungir blökkumenn haldi sig í hópum og eru þeir allir með buxurnar á hælunum, í fimm peysum og þremur úlpum, með keðjur og höfuðklúta. Einnig hef ég tekið eftir að það virðist vera komið í tísku meðal þeirra að tala í gemmsann á speaker, baðandi út símanum í allar áttir. Furðulegt.

Sumir eru óendanlega smeðjulegir og eitt sinn var ég næstum búinn að æla yfir eina konu sökum smeðjuskaps! Ennfremur virðist fólk aldrei getað sagt hlutina hreint út, heldur fara eins og kettir í kringum heitann graut. Mér er víst óheimilt að fara nánar út í það.

Vonandi gerist eitthvað hressandi í ferðalaginu svo Edda geti bloggað um það.

Lindi 

Athugasemdir

[Maggi (IP-tala skráð) 19.10.2007 kl. 09:52]

HAHA! Það er laukrétt með "How are you", "Nice to meet you" og allt það. Ég kannast við þetta af samskiptum mínum við kanana via DP og einnig á ferðum mínum um bandaríkin. Það verður a.m.k. ekki af þeim tekið að þeir eru kurteisir. ´

Ég óneitanlega hugsa til svipaðrar ferðar (Timeshare dæmi) í þættinum King og Queens. Þaði endaði vitaskuld með miklum ógöngum en ef ég þekki þig rétt þá læturu ekki plata þig í svoleiðis. Hugsa samt að best væri fyrir mig að halda mig frá svona fundum enda verið þekktur fyrir að vera dálítið spondant í hinum ýmsu málum.

Treysti á að gott video verði gert úr þessari ferð ;)  

[Helgi B. (IP-tala skráð) 19.10.2007 kl. 22:06]

Nú ertu búinn að gera mig assgoti forvitinn... ég vil vita meira um það sem er "umhverfis grautinn" hmmm....