Helgin

Nýliðin helgi var aldeilis viðburðarík. Við eyddum öllum sunnudeginum uppi á spítala, ekki beint skemmtilegt en allt gekk þó furðuvel fyrir sig. Eftir að hafa horft á Sicko átti ég allt eins von á að okkur yrði hent öfugum út en þannig var það nú ekki. 

Laugardagurinn var öllu skemmtilegri því þá rúntuðum við um Berkeley og San Francisco. Við keyrðum m.a. yfir Golden Gate og Oakland Bay Bridge sem er hvorki meira né minna en 13.52 km að lengd og ansi magnað mannvirki. Svo brunuðum við eftir nokkrum hraðbrautum og upp og niður brekkur í San Francisco.

Ég missti kúlið algjörlega þegar við lentum á rauðu ljósi í miðri bröttustu brekku SFO (við vorum á leið upp) og veinaði eins og smástelpa. Ástæðan: Ég var fullviss um að bremsurnar í bílnum myndu gefa sig og við renna á fullri ferð aftur á bak niður brekkuna. Svo fór nú samt ekki því við vorum á ansi kraftmiklum bíl (Mustanginum góða). Ég efast um að bíll í líkingu við Östruna okkar hefði komist alla leið. Brattinn er út í hött.

Ég slútta þessu með ofurmyndbandi sem við tókum af ferðinni og Lindi klippti saman. Enjoy.

Edda

 

Athugasemdir

[Dagný Ósk Aradóttir, 12.9.2007 kl. 18:58]

Mjög gaman að horfa á þetta. Ég kemst samt ekki hjá því að hugsa um hvað þið hafið verið fyndin, í bíltúr með videokameruna uppi allan tímann.

[Edda (IP-tala skráð) 13.9.2007 kl. 22:12]

Hvað meinarðu? Við vorum ofursvöl á því. En tókum reyndar ekki upp næstum því allan tímann. Bara við og við :)